Home शहरं नागपूर Shiv sena leader mangesh kadav: Shiv Sena शिवसेना का पॉवर हैं, अख्खा...

Shiv sena leader mangesh kadav: Shiv Sena शिवसेना का पॉवर हैं, अख्खा फॅमिली उडा दूंगा!; नागपुरातील नेत्याचं धमकीसत्र! – three cases registered against shiv sena nagpur shaharpramukh mangesh kadav


नागपूर: शिवसेनेचा नागपूर शहर प्रमुख मंगेश कडव याच्यावर २५ लाख रुपये घेतल्याचा आरोप होत असताना, त्याच्याविरुद्ध शहरातील विविध पोलिस स्टेशनमध्ये खंडणी, फसवणुकीसह तीन गुन्हे दाखल झाले आहेत. कडव याच्याविरुद्ध एकाच दिवशी तीन गुन्हे दाखल झाल्याने शिवसेना नेत्यांमध्ये खळबळ उडाली आहे. कडव याच्यासह युवा सेनेचा जिल्हा प्रमुख विक्रम राठोडही आठ लाख रुपयांच्या खंडणी प्रकरणात चर्चेत आला आहे. याप्रकरणात राठोड अद्यापही अजनी पोलिसांच्या हाती लागू शकलेला नाही. ( Shiv Sena Leader Mangesh Kadav )

वाचा: दारू मिळाली नाही म्हणून सॅनिटायझर प्यायला अन् जीव गमावला

हैदराबाद येथील विक्रम मधुकर लाभे (वय ४७) यांचा भरत नगरमधील पुराणिक ले-आऊट येथे बंगला आहे. या बंगल्यावर मंगेश कडव व त्याच्या साथीदारांनी बळजबरीने ताबा घेतला. घरातील सोन्या-चांदीचे दागिने व दैनंदिन वापराच्या वस्तू चोरून नेल्या. याबाबत कळताच लाभे नागपुरात आले. त्यांनी कडव याला जाब विचारला असता कडव व त्याच्या तीन साथीदारांनी लाभे यांना शिवीगाळ करून मारहाण केली. घर हवे असल्यास दीड कोटी रुपयांची खंडणी दे अशी मागणी केली. याप्रकरणी अंबाझरी पोलिसांनी कडव व त्याच्या साथीदारांविरुद्ध घरफोडी व खंडणीचा गुन्हा दाखल केला आहे.

बिल्डरची केली फसवणूक

बिल्डर देवानंद बाबासाहेब शिर्के (वय ४८,रा. सक्करदरा) यांनी मंगेश कडव याच्यासोबत रघुजीनगरमधील दुकान १८ लाख रुपयांना खरेदी करण्याचा व्यवहार केला. शिर्के यांनी कडव याला धनादेश व रोख असे १५ लाख रुपये दिले. रजिस्ट्रीच्या वेळी साडेतीन लाख रुपये देण्याचे ठरले. मात्र या व्यवहाराला बगल देत कडव याने हे दुकान ५० लाख रुपयांमये बँकेत गहाण ठेवले. शिर्के यांनी कडव याला रजिस्ट्रीबाबत विचारणा केली. तो टाळाटाळ करू लागला. शिर्के यांनी माहिती काढली असता दुकान बँकेत गहाण असल्याचे त्यांना कळले. त्यांनी कडव याच्याकडे पैसे परत मागितले असता कडव याने शिर्के यांना ठार मारण्याची धमकी देऊन २० लाख रुपयांची खंडणी मागितली. ‘बेटा, अब शिवसेना का पॉवर हैं, मेरी मुंबई और दिल्ली तक पहुँच है. तेरी अख्खा फॅमिली को उडा दूंगा’, अशा शब्दांत कडवने धमकावल्याचे शिर्के यांनी सक्करदरा पोलिसांत केलेल्या तक्रारीत नमूद केले आहे. त्यावरून पोलिसांनी फसवणूक व खंडणीचा गुन्हा दाखल केला.

वाचा: मुंबईतील ताज हॉटेल बॉम्बने उडवून देण्याची धमकी; पाकिस्तानातून फोन

फ्लॅटच्या नावे घातला गंडा

जुना सुभेदार येथील दिनेश रामचंद्र आदमने (वय ४२) यांनी २०१३ मध्ये मंगेश कडव व त्याच्या पत्नीकडून मानेवाड्यातील अमरिवा अपार्टमेंटमधील फ्लॅट १६ लाख रुपयांना खरेदी केला होता. आदमने यांनी कडव याला १५ लाख रुपये दिले होते व उर्वरित रक्कम रजिस्ट्रीच्या वेळी देण्याचे ठरले होते. मात्र कडव याने आदमने यांना रजिस्ट्री करून दिली नाही. त्यांना धनादेश दिले तेही वटले नाहीत. आदमने यांनी पैसे परत मागितले असता कडव याने आदमने यांना ठार मारण्याची धमकी दिली. आदमने यांनी हुडकेश्वर पोलिसांत तक्रार दिली असता पोलिसांनी कडव व त्याच्या पत्नीविरुद्ध फसवणुकीसह विविध कलमान्वये गुन्हे दाखल केला.

पक्षातर्फे कारवाई नाही

२५ लाख रुपये घेतल्याच्या आरोपानंतर तीन गुन्हे दाखल झाल्यानंतरही मंगेश कडव याच्याविरुद्ध पक्षाने कारवाई केलेली नाही. शहरातील बड्या नेत्याच्या जवळचा असल्याने कडवविरुद्ध कारवाई होत नसल्याची चर्चा राजकीय वर्तुळात आहे. यापूर्वी मुंबईतील एका प्रकरणातही कडव चर्चेत आला होता.

वाचा: युवा सेनेच्या जिल्हा प्रमुखाने मागितली ८ लाखांची खंडणी, भावाला रंगेहात अटक



Source link

LEAVE A REPLY

Please enter your comment!
Please enter your name here

Most Popular

KXIP vs DC Excellent Bowling From Ashwin To Get The Wicket Of Dangerous Universal Boss – आधी फलंदाजाच्या बुटाची लेस बांधून दिली, मग बोल्ड...

दुबई: आयपीएलमध्ये काल झालेल्या ३८व्या सामन्यात किंग्ज इलेव्हन पंजाबने दिल्ली कॅपिटल्सचा पराभव केला. दिल्लीने विजयासाठी दिलेले १६५ धावांचे लक्ष्य पंजाबने १९व्या षटकात ५...

atul todankar in hungama 2: अभिनेता अतुल तोडणकर करणार ‘हंगामा’; दिसणार महत्त्वाच्या भूमिकेत – marathi actor atul todankar share his experience working in hungama...

मुंबई : प्रियदर्शन सोमण नायर यांचा 'हंगामा' हा चित्रपट २००३ साली आला होता. त्यानंतर त्याचा सिक्वेल लवकरच प्रेक्षकांच्या भेटीला येणार आहे. 'हंगामा २'मध्ये...

Rajesh Tope News: Coronavirus Health Workers Will Be Vaccinated First Says Rajesh Tope – Rajesh Tope: राज्यात सर्वात आधी करोनाची लस कुणाला?; टोपेंनी केले...

मुंबई:करोना महामारीने जगभरात चित्र बदलले असून आयसीएमआर कडून लस आल्यावर पहिल्यांदा आरोग्य कर्मचाऱ्यांचा प्राधान्याने विचार केला जाणार असल्याची माहिती आरोग्य मंत्री राजेश टोपे...

Recent Comments