Home शहरं मुंबई shops in maharashtra : आस्ते कदम! राज्यात वाइन शॉप, हॉटेल, सलून बंदच...

shops in maharashtra : आस्ते कदम! राज्यात वाइन शॉप, हॉटेल, सलून बंदच राहणार – coronatalecha shops in the state!


म. टा. विशेष प्रतिनिधी,नवी दिल्ली/मुंबई

देशव्यापी लॉकडाउनचे नियम शिथिल करण्यात पुढील पाऊल टाकताना शुक्रवारी केंद्रीय गृहमंत्रालयाने ग्रामीण भागात पूर्ण तर शहरी भागातील काही दुकाने सुरू करण्याची परवानगी देणारा आदेश काढला. शहरी किंवा ग्रामीण भागांमधील नियंत्रण क्षेत्र (कंटेनमेंट झोन) किंवा हॉटस्पॉट म्हणून जाहीर केलेल्या भागांमधील दुकाने उघडण्यासाठी मात्र हे आदेश लागू होणार नसल्याचे स्पष्ट करण्यात आले आहे. वाइन शॉप, रेस्टॉरंट, स्पा, ब्युटीपार्लर, केशकर्तनालय यापुढेही बंदच राहतील, असे नमूद करण्यात आले आहे. केंद्र सरकारने ही मुभा दिली असली तरी मुंबई-पुण्यासह राज्यातील अनेक भागांत आजही करोनाचिंता मोठी आहे. त्यामुळे महाराष्ट्र सरकारने आस्ते कदम जाण्याचा निर्णय घेतला आहे. राज्यात तूर्त कोणतीही दुकाने सुरू होणार नसल्याचे म्हटले आहे.

केंद्रीय गृहमंत्रालयाने दुकाने सुरू करण्याच्या परवानगीसाठी लॉकडाउन उपायांवर सर्वसमावेशक सुधारित दिशानिर्देशांमध्ये केलेल्या दुरुस्त्यांवर शुक्रवारी उशिरा रात्री एक आदेश काढला होता. त्यावरून संभ्रम निर्माण झाल्यामुळे त्याचे स्पष्टीकरण द्यावे लागले. या आदेशानुसार परवानगी लाभलेली सर्व दुकानांना केवळ ५० टक्के कर्मचाऱ्यांनिशी दुकाने सुरू करता येईल. त्यांना मास्क घालणे आणि सुरक्षित वावरासंबंधीच्या सर्व निर्देशांचे कठोरपणे पालन करणे अनिवार्य असेल. आपत्ती व्यवस्थापन कायद्यानुसार गृह मंत्रालयाचे आदेश सर्व राज्यांसाठी अनिवार्य आहेत. हे आदेश राज्यांना मवाळ किंवा सौम्य करता येणार नाहीत, असे केंद्रीय गृह मंत्रालयाच्या संयुक्त सचिव आणि प्रवक्त्या पुण्यसलिला श्रीवास्तव यांनी बजावले.

काय आहेत आदेश?

ग्रामीण भागात शॉपिंग मॉलमधील दुकाने वगळता सर्व दुकाने उघडण्यास परवानगी देण्यात आली आहे.

महापालिका आणि नगरपालिकांच्या सीमांच्या आत येणारी शहरी भागातील एकटी दुकाने, आसपासची दुकाने आणि निवासी परिसरातील दुकाने उघडण्याची परवानगी देण्यात आली आहे.

शहरी भागातील शॉपिंग कॉम्प्लेक्स, बाजारपेठांमधील दुकाने तसेच शॉपिंग मॉलमधील दुकाने उघडण्याची परवानगी नाही.

करोना हॉटस्पॉट आणि नियंत्रण क्षेत्रांमधील दुकाने सुरू करण्यासाठी ही परवानगी लागू होणार नाही.

ई-कॉमर्स कंपन्यांना केवळ आवश्यक वस्तूंच्या विक्रीचीच परवानगी

मद्यविक्रीबरोबरच करोनाच्या व्यवस्थापनासंबंधात राष्ट्रीय निर्देशांमध्ये सामील असलेल्या इतर वस्तूंच्या विक्रीवरही बंदी कायम

राज्यात काय होणार?

केंद्र सरकारने दुकाने सुरू करण्यास परवानगी दिली असली तरी याची अंमलबजावणी महाराष्ट्रात करायची की नाही, यावर अद्याप विचार सुरू असल्याचे प्रशासनील एका ज्येष्ठ अधिकाऱ्याने सांगितले. केंद्राने जारी केलेला आदेश अद्याप राज्याने स्वीकारलेला नाही, असेही या अधिकाऱ्याने नमूद केले. त्यामुळे महाराष्ट्रात दुकाने उघडणार की नाही, याची अद्याप स्पष्टता झालेली नाही. मात्र, महाराष्ट्रातील दुकाने उघडण्याची तूर्तास शक्यता दिसत नाही, असे आरोग्यमंत्री राजेश टोपे यांनी म्हटले आहे. केंद्र सरकारच्या दिशानिर्देशानुसार महाराष्ट्र सरकारने आधीच राज्यातील कंटेंटमेंट झोन नसलेल्या भागांत उद्योगधंदे सुरू करण्यास काही अटी घालून परवानगी दिली आहे. मुंबई, पुण्यात दिलेली सवलत मात्र गर्दी तसेच करोनाचा वाढता प्रादुर्भाव लक्षात घेऊन अवघ्या एका दिवसात रद्द करण्यात आली होती.

लॉकडाउन वाढणार?

महाराष्ट्रात ३ मेनंतर आणखी १५ दिवसांचा लॉकडाऊन वाढविण्यासंदर्भात अद्याप कुठलाही निर्णय झालेला नाही, असे राज्याचे आरोग्यमंत्री राजेश टोपे यांनी शनिवारी रात्री स्पष्ट केले आहे. येत्या सोमवारी पंतप्रधान नरेंद्र मोदी हे देशातील सर्व मुख्यमंत्र्यांशी व्हिडिओ कॉन्फरन्सिंगद्वारे संवाद साधणार आहेत. त्यानंतर राज्यातील परिस्थितीचा अंदाज घेऊन मुख्यमंत्र्यांच्या पातळीवर याबाबतचा अंतिम निर्णय होऊ शकतो, असे संकेतही टोपे यांनी दिले आहेत. महाराष्ट्रात १८ मेपर्यंत लॉकडाऊनचा कालावधी वाढणार असल्याच्या बातम्या काही माध्यमांमध्ये येत आहेत. तथापि, यासंदर्भात तसा कोणताही निर्णय झालेला नाही, असे ते म्हणाले. करोनाचे राज्यात ५१२ कंटेनमेंट झोन आहेत. अशा ठिकाणी लॉकडाऊन कोणत्याही प्रकारची शिथिलता देण्याचा प्रश्न नाही. हॉटस्पॉट झोनबाबतही मुख्यमंत्री स्तरावर निर्णय होईल, असे टोपे यांनी आवर्जून सांगितले. तथापि, राज्यात ग्रीन झोन असलेल्या जिल्ह्यांमध्ये प्रत्येक जिल्ह्याची सीमा बंद करुन काही महत्त्वाच्या व्यवहारांना परवानगी देण्याची शक्यता टोपे यांनी वर्तविली आहे. मुंबई प्रदेश महानगर क्षेत्र आणि पुणे प्रदेश महानगर भागात करोनाबाधित रुग्णसंख्या राज्याच्या अन्य भागाच्या तुलनेत अधिक आहे. त्यामुळे मुंबई पुण्यातील लॉकडाऊनच्या कालावधीबाबतही मुख्यमंत्री यांच्या स्तरावर अंतिम निर्णय सोमवारनंतरच होऊ शकतो असे संकेत देतानाच, याविषयी त्यांनी स्पष्ट भाष्य करण्याचे टाळले आहे.





Source link

LEAVE A REPLY

Please enter your comment!
Please enter your name here

Most Popular

Nitin Bhalerao Martyr: छत्तीसगडमधील नक्षली हल्ल्यात नाशिकचे जवान नितीन भालेराव यांना वीरमरण – assistant commandant of crpf nitin bhalerao martyred, 9 injured in naxal...

नाशिक: छत्तीसगडमध्ये सुकमा येथे नक्षलवाद्यांनी घडवून आलेल्या स्फोटात सीआरपीएफचे जवान नितीन भालेराव शहीद झाले आहेत. या स्फोटात एका अधिकाऱ्यासह ९ जवान जखमी झाले...

Corona Crisis: शाळा उघडली, तरीही… – sujata patil article on corona crisis impact on education system

सुजाता पाटीलकरोनाच्या विषाणूमुळे अविश्वसनीयरीत्या सगळ्या जगाचा कारभार बंद पडला. जगण्याच्या प्रत्येक क्षेत्रावर करोनाचा परिणाम झाला असून, शिक्षण क्षेत्राला तर समूळ हादरा बसला.मार्च महिन्यापासून...

BSF Jawan in Honey Trap: बीएसएफ जवानांच्या व्हॉट्सअॅप ग्रुपमध्ये ‘त्याने’ पाकिस्तानी महिलेला अॅड केले! – bsf jawan from ahmednagar honey-trapped by pakistani agent

अहमदनगर: नगर शहरापासून जवळच असलेल्या ससेवाडी येथील प्रकाश काळे हा सीमा सुरक्षा दलातील (बीएसएफ) जवान पाकिस्तानी महिला एजंटाच्या हनी ट्रॅपमध्ये अडकला. पंजाबमध्ये पाक...

Recent Comments