लंडनमधील शीख डॉक्टर्स असोसिएशनकडे आतापर्यंत अशाप्रकारच्या पाच तक्रारी दाखल झाल्या आहेत. या पाचही डॉक्टरांनी दाढी करण्याच्या सूचनांचे पालन न केल्यामुळे ही कारवाई झाली असल्याचे पदाधिकाऱ्यांनी सांगितले. असोसिएशनचे अध्यक्ष डॉ. सुखदेव सिंग यांनी सांगितले की, या डॉक्टरांकडून त्यांचे दररोजचे काम काढून घेण्यात आले आहे. त्याशिवाय त्यांच्यात आणि सहकाऱ्यांमध्ये वाद निर्माण करण्यात आला आहे. या सहकारी डॉक्टरांना कारवाई झालेल्या शीख डॉक्टरांचे अतिरिक्त काम करावे लागत असल्याचे त्यांनी सांगितले.
वाचा:‘भारतातील करोनामृत्यू अयोग्य आहारपद्धतीमुळे’
वाचा: बकरीलाही करोना; करोना चाचणी किट्सवर प्रश्न!
फेशियल प्रोटेक्शन गिअर टेस्टमध्ये हे शीख डॉक्टर अपयशी ठरले असल्यामुळे त्यांच्याकडील काम करण्यात आले असल्याची माहिती आहे. मात्र, शीख डॉक्टर स्वखर्चाने पीएपीआर खरेदी करून रुग्णसेवा करत आहे. हे मास्क खूपच महाग असून आयसीयूत रुग्णांवर उपचार करताना वापरले जातात. शीख डॉक्टरांसोबत झालेल्या भेदभावाबाबत राष्ट्रीय आरोग्य सेवेशी संपर्क साधण्यात आला असल्याची माहिती असोसिएशनने दिली आहे. एनएचएसचे मुख्य कार्यकारी अधिकारी सर सायमन स्टीवन्स यांना पत्र लिहीण्यात आले असून या प्रकरणी हस्तक्षेप करण्याची मागणी करण्यात आली आहे.
आणखी वाचा:
मृत्यूचीही तयारी झाली होती: बोरिस जॉन्सन
‘साठेबाजीसाठी चीनने करोनाची माहिती गुप्त ठेवली’
पाकिस्तानच्या हवाई दलात पहिल्यांदाच हिंदू पायलट!
