Home देश पैसा पैसा Small Savings Were Like Interest Rates - केंद्र सरकारचा दिलासा ; अल्पबचत...

Small Savings Were Like Interest Rates – केंद्र सरकारचा दिलासा ; अल्पबचत व्याजदर ‘जैसे थे’


म. टा. खास प्रतिनिधी, मुंबई : करोना संसर्गामुळे भयभीत झालेल्या नागरिकांना भारतीय टपाल खात्याने (पोस्टाने) मोठाच दिलासा दिला आहे. नव्या तिमाहीमध्ये सार्वजनिक भविष्यनिर्वाह निधीसह (पीपीएफ) सर्व अल्पबचत योजनांचे व्याजदर कमी होतील, अशी अटकळ व्यक्त होत असतानाच पोस्टाने हे व्याजदर पूर्वीप्रमाणेच ठेवले आहेत.

करोना संसर्गाचा परिणाम भांडवल बाजारांसह संपूर्ण अर्थव्यवस्थेवर दिसून येत असून खेळत्या पैशाचे प्रमाण कमी झाले आहे. आर्थिक उलाढाल जवळजवळ बंद झाली असून त्यामुळे सर्वसामान्यांपासून बड्या उद्योगसमूहांपर्यंत सारे चिंतेत आहेत. करोनामुळे कराव्या लागलेल्या लॉकडाउनमध्ये अनेकांना वेतनकपात, रोजगार नसणे यांसारख्यास्थितीला सामोरे जावे लागले आहे. या सर्वांचा परिणाम म्हणून निश्चित उत्पन्न देणाऱ्या योजनांवरील व्याजदर विविध बँका, कंपन्या, वित्तसंस्था यांनी कमी करण्यास सुरुवात केली आहे. मात्र त्याचवेळी पोस्टाने व्याजदरांमध्ये कोणताही बदल केलेला नाही.

पोस्टाने प्रसिद्ध केलेल्या परिपत्रकानुसार, चालू आर्थिक वर्षाच्या (२०२०-२१) दुसऱ्या तिमाहीसाठी (१ जुलै ते ३० सप्टेंबर) पीपीएफवर पूर्वीप्रमाणेच ७.१० टक्के व्याज मिळेल. ज्येष्ठ नागरिक बचत योजनेवर ७.४० टक्के व्याज मिळेल, तर पोस्टाच्या विविध मुदतींच्या मुदतठेवींवर ५.५ ते ६.७ टक्के व्याज मिळेल.

सोने झळाळी ; सराफा बाजारात गाठला ४९ हजारांचा पल्ला
पहिल्या तिमाहीत कपात

चालू आर्थिक वर्षाच्या पहिल्या तिमाहीत (१ एप्रिल ते ३० जून) मात्र अल्पबचत योजनांच्या व्याजात कपात करण्यात आली होती. ही कपात ०.७० टक्के ते १.४० टक्के यादरम्यान केली गेली होती. बुधवारपासून सुरू झालेल्या तिमाहीतही व्याजदर कपात करण्यात आली असती तर त्याचा फार मोठा फटका निश्चित उत्पन्नावर भिस्त असलेल्या गुंतवणूकदारांना सर्वाधिक बसला असता. रिझर्व्ह बँक रेपो दर सातत्याने कमी करत असल्याने बँका कर्जे स्वस्त करतानाच ठेवीदरांत कपात करत आहेत. त्यातच आता पोस्टाच्या योजनांतून मिळणारे व्याजही घटले असते तर मध्यमवर्गाचे कंबरडेच मोडले असते.

बँक बचत खात्यावर सर्वाधिक व्याज

आजच्या घडीला पोस्ट बँकेतील बचत खात्यावर अन्य बँकांपेक्षा सर्वाधिक, ४ टक्के व्याज मिळत आहे. भारतीय स्टेट बँकेने ३१ मे पासून बचत खात्यावर २.७ टक्के व्याज देण्यास सुरुवात केली आहे. आयसीआयसीआय बँकेतर्फे तिच्या बचत खात्यात ५० लाख रुपयांपेक्षा कमी रक्कम असेल तर त्यावर ३ टक्के व्याज दिले जात आहे. बँक बचत खात्यावर ६ टक्के व्याज देऊ करणाऱ्या कोटक महिंद्र बँकेने एक लाख रुपयांपर्यंत शिल्लक रक्कम असलेल्या बचत खात्यांवर ३.५ टक्के व्याज देण्यास सुरुवात केली आहे. एक लाख रुपयांवरील रकमेसाठी ही बँक ४ टक्के व्याज देत आहे. मात्र पोस्ट ऑफिस बचत खात्यावर ४ टक्के व्याज मिळत आहे.

सध्याच्या अनिश्चित वातावरणात पोस्टाच्या अल्पबचत योजना सर्वात सुरक्षित ठरल्या आहेत. या योजनांवर देण्यात येणाऱ्या व्याजात कोणताही बदल करण्यात आलेला नाही. यामुळे पोस्टात गुंतवणूक करणाऱ्यांचे प्रमाण आगामी काळात निश्चितच वाढेल. हे व्याजदर नव्या व जुन्या, दोन्ही गुंतवणूकदारांना लागू असतील. यामुळे लोकांचा मानसिक ताण हलका होण्यासही मदत मिळणार आहे.

स्वाती पांडेय, पोस्टमास्तर जनरल, मुंबई सर्कल

असा मिळणार व्याजदर (टक्के)

योजना व्याजदर
बँक बचत खाते (Saving Account)
भविष्य निर्वाह निधी (Public Provident Fund) ७.१
सुकन्या समृद्धी योजना ७.६
किसान विकास पत्र (KVP) ६.९
५ वर्षीय एनएससी ६. ८
५ वर्षीय एमआयएस ६.६
५ वर्षीय ज्येष्ठ नागरिक बचत योजना ७.४
५ वर्षीय रिकरिंग डिपॉझिट ५.८
५ वर्षे मुदतीची ठेव ६.७
३ वर्षे मुदतीची ठेव ५.५
२ वर्षे मुदतीची ठेव ५.५
१ वर्षे मुदतीची ठेव ५.५



Source link

LEAVE A REPLY

Please enter your comment!
Please enter your name here

Most Popular

Rishabh Pant Is Recover From Injury And He Will Be Play In Todays Match Against Kings Eleven Punjab – IPL2020: दिल्लीसाठी गूड न्यूज, पंजाबविरुद्धचा...

दुबई : पंजाबबरोबरचा सामना सुरु होण्यापूर्वी दिल्ली कॅपिटल्सच्या संघाला एक आनंदाची बातमी मिळाली आहे. दिल्लीच्या संघात एका धडाकेबाज खेळाडूचे आज पुनरागमन होऊ शकते,...

Farmers agitation: जिल्हाधिकारी कार्यालयात उधळला भाजीपाला – aurangabad farmers agitation for announce wet drought and compensation

म. टा. प्रतिनिधी, औरंगाबादसातत्याने होत असलेली अतिवृष्टीमुळे जिल्ह्यातील खरीप हंगामातील उभे पिकांचे मोठे नुकसान झाले असून, नुकसान भरपाई तातडीने द्यावी; तसेच जिल्ह्यात ओला...

Recent Comments