Home मनोरंजन Sufiyum Sujathayum Movie Trailer: अदिती राव हैदरीच्या 'सूफीयाम सुजातयंम'चा ट्रेलर व्हायरल -...

Sufiyum Sujathayum Movie Trailer: अदिती राव हैदरीच्या ‘सूफीयाम सुजातयंम’चा ट्रेलर व्हायरल – Sufiyum Sujathayum Trailer Aditi Rao Hydari And Jayasurya Feature In Musical Love Saga


मुंबई : ‘दिल्ली ६’ या चित्रपटातून बॉलिवूडमध्ये पदार्पण करणारी अभिने अदिती राव हैदरी हिनं पुढे मोजकेच चित्रपट केले. ‘ये साली जिंदगी’, ‘भूमी’, ‘रॉकस्टार’, ‘मर्डर ३ असे काही निवडक चित्रपट सोडले, तर ती बॉलिवूडमध्ये फारशी रमलेली दिसली नाही. चित्रपट कमी असले, तरी तिची लोकप्रियता खूप असल्याचं पाहायला मिळतंय. ‘दासदेव’ या चित्रपटानंतर तिनं दाक्षिणात्य चित्रपटांची वाट धरली होती. अदिती लवकरच एका मल्याळम चित्रपटातही झळकणार आहे. नुकताच या चित्रपटाचा ट्रेलर प्रदर्शित झाला असून, तो व्हायरल होतोय. तो पाहून चाहते तिचं कौतुक करत आहेत.

अदितीचा ‘सूफीयाम सुजातयंम’ हा आगामी सिनेमा अॅमेझॉन प्राइम या ओटीटी प्लॅटफॉर्मवर प्रदर्शित होणार आहे. नारनी पूझा दिग्दर्शित या मल्याळम चित्रपटात अभिनेता जयसूर्या आणि अदिती ही जोडी मुख्य भूमिकेत झळकणार आहे. विशेष म्हणजे या सिनेमाच्या निमित्तानं तिनं मल्याळम चित्रपटसृष्टीत पदार्पण केलं आहे. ‘मला या चित्रपटात काम करण्याची संधी मिळाली ही खरंच माझ्यासाठी फार मोठी गोष्ट आहे. दाक्षिणात्य चित्रपटात काम करणं हे एक समृद्ध करणारा अनुभव असतो. या चित्रपटातून एक सुंदर प्रेमकथा प्रेक्षकांसमोर उलगडली जाणार आहे’, असं अदिती म्हणाली. या सिनेमात अदिती काही स्टंट सीन करणार आहे. या भूमिकेसाठी खास जॉर्जियाहून प्रशिक्षक बोलावण्यात आले होते म्हणे. तीन आठवडे तिनं रोप ट्रेनिंगचे धडे गिरवले आहेत. सगळी अॅक्शन दृश्यं अस्सल वाटावीत यासाठी हा सगळा खटाटोप केल्याचं समजतंय.


अभिनेत्री राधिका आपटेनं टाकलं दिग्दर्शनात पाऊल
तसंच संजय लीला भन्साळी यांच्या ‘पद्मावत’ या चित्रपटात अभिनेत्री अदिती राव हैदरी झळकली. या चित्रपटात तिनं अल्लाऊद्दीन खिलजीच्या पत्नीची भूमिका साकारली. भूमिका छोटी असूनही तिच्या अभिनयाचं कौतुक झालं. त्यानंतर मात्र, ती जणू इंडस्ट्रीतून गायबच झाली. सध्या तिनं हलक्या-फुलक्या भूमिका नाकारायचा सपाटाच लावला आहे. मोठं बॅनर आणि ए लिस्टर सहकलाकार असतील, तरच आपण चित्रपट करू, असं तिचं म्हणणं असल्याचं कळतंय.

ट्रोल्सना म्हणते, ‘गेट वेल सून’ !
बॉलिवूड कलाकार सोशल मीडियावर काही ना काही कारणावरुन नेहमी ट्रोल होत असतात. पण हे ट्रोलर्स त्यांना एवढं का बोलतात, या प्रश्नाचं उत्तर अदितीनं दिलं आहे. तिच्या मते ते कुणावरचा तरी राग काढत असतात. अदिती म्हणाली, की ‘ या ट्रोलर्सना त्यांच्या खासगी आयुष्यात काहीतरी अडचणी येतात. त्यामुळं वैतागलेल्या या मंडळींना आपला राग कुणावर तरी काढायचा असतो. मग ते सोशल मीडियावर येतात. ट्रोलिंग हे आजचं वास्तव आहे ज्यापासून आपण कुठेही पळ काढू शकत नाही. त्यामुळं परिस्थिती कशीही असली तरी आपण सकारात्मक असायला पाहिजे असं मला वाटतं.





Source link

LEAVE A REPLY

Please enter your comment!
Please enter your name here

Most Popular

sensex today: शेअर बाजार ; सलग चौथ्या सत्रात सेन्सेक्स-निफ्टी वधारले – sensex nifty gain today

मुंबई : सकाळच्या सत्रात ४०० अंकांची झेप घेणारा सेन्सेक्स दिवसअखेर १६३ अंकांच्या वाढीसह स्थिरावला. तो ४०७०७ अंकावर बंद झाला. राष्ट्रीय शेअर बाजाराचा निफ्टी...

Bombay high court: डॉक्टरला मारहाण; एक लाखाचा दंड – beating the doctor; a fine of one lakh

म. टा. विशेष प्रतिनिधी, मुंबईः ‘करोनाचे संकट निर्माण झाल्यानंतर लॉकडाउन काळात सर्व लोक घरात असताना डॉक्टर व वैद्यकीय कर्मचाऱ्यांनी आपल्या जवळच्या लोकांपासून दूर...

Recent Comments