Home देश पैसा पैसा SVC Loan Festival: Loan Interest Rate कर्ज उत्सव; एसव्हीसी बँंकेकडून निवडक कर्जांसाठी...

SVC Loan Festival: Loan Interest Rate कर्ज उत्सव; एसव्हीसी बँंकेकडून निवडक कर्जांसाठी विशेष व्याजदर – svc bank announce third series of loan festival


मुंबई : सहकार क्षेत्रातील एसव्हीसी बँक (एसव्हीसी कोऑपरेटिव बँक लिमिटेड) कर्ज उत्सव जाहीर केला आहे. २०२१ एसव्हीसी लोन उत्सवाला ‘फँटास्टिक २०२१ ’असे नाव देण्यात आले आहे , ज्यामागे २०२० या वर्षातीस अत्यंत कठीण परिस्थितीतून बाहेर पडून २०२१ साल हे भारतीयांसाठी नव्याने उमेद देणारे ठरेल असा विचार आहे. ह्या भावनेला अनुसरून, एसव्हीसी बँकेने त्यांच्या कर्जदरांमध्ये कपात केली आहे. त्याशिवाय कर्ज मंजुरीची प्रक्रिया जलद आणि झटपट वितरणाची व्यवस्था केली आहे.

‘रिलायन्स’च्या शेअरचा तोरा उतरला ; ‘ही’ आहेत त्या मागची कारणे
गृह कर्ज, वाहन कर्ज, मालमत्ता तारण कर्ज, डॉक्टरांसाठीकर्ज आणि सोने तारण कर्ज अशा रीटेल प्रॉडक्ट्सच्या संपूर्णश्रेणीसाठी बँकेने आजवरचे सर्वात कमी दर घोषित केले आहेत. ह्या ऑफर्स ११ राज्यांमधील बँकेच्या १९८शाखांमध्ये ३१ जानेवारी २०२१ पर्यंत उपलब्ध असतील. प्रॉडक्ट्स ( or उत्पादने) ऑफरच्या कालावधीमध्ये सुधारित व्याज दर गृह कर्ज ७ टक्के, मालमत्ता तारण कर्ज ८.७५ टकक्यांपासून डॉक्टरांसाठी कर्ज दर ८.७५ टक्के आहेत. वाहन कर्जाचा व्याजदर ७.७५ टक्क्यांपासून असून, सोने तारण कर्ज ८.७५ टक्क्यांपासून आहे.

Budget 2021 यंदा कर सवलती विसरा;’बजेट’मध्ये करदात्यांची होणार निराशा,तज्ज्ञांचे भाकीत
“२०२० साल हे ‘न भूतो न भविष्यती’ असे खडतर गेले. एसव्हीसी बँकेमध्ये आम्हाला असे ठामपणे वाटते की उदासीच्या अंधारातच आशेचा किरण उगम पावतो. गेल्या दोन महिन्यांमध्ये आम्हालाआमच्या ग्राहकांमध्ये नव्याने उभारीघेण्याचे चैतन्य जाणवते आहे. ज्यातून त्यांना ’न्यू नॉर्मल’ च्या काळात प्रगतीची वाट मिळेल, असे मत रिटेल बँकिंग विभागाचे प्रमुख वसंत श्रीवास्तव यांनी सांगितले. ग्राहक आता त्यांच्या स्वप्नांच्या पूर्ततेसाठी नव्याने पुढे सरसावले आहेत. त्यांच्या उद्दिष्टांकडे झपाट्याने भरारी घेण्यासाठी त्यांच्या पंखांना बळ देण्याच्या हेतूने आम्ही आमचा सहभाग देत आहोत, असे श्रीवास्तव म्हणाले. ‘ एसव्हीसी लोन उत्सव ’ ह्या आमच्या प्रमुख उपक्रमाच्या गेल्या दोन आवृत्तींमधून आम्ही देशभरातील एक लाखांपेक्षा अधिक ग्राहकांची स्वप्ने पूर्ण केली आहेत. या तिसऱ्या आवृत्तींमधून आम्ही हीच अपेक्षा करतो की ग्राहकांना त्यांच्या गरजेनुसार सहज परवडणारे कर्ज उपलब्ध होईल.

सुवर्ण झळाळी ; आज पुन्हा सोने महागले, चांदी मात्र स्वस्त
कर्ज हवे असल्यास ग्राहकाने “LOAN” असा SMS ९८२०६२०४५४ या क्रमांकावर पाठवावा किंवा १८००३१३२१२० या टोल फ्री वर कॉल करण्याचे आवाहन बँकेने केले आहे. १९८ शाखांमध्ये बँकेचे १० लाखांहून अधिक ग्राहकआहेत. एसव्हीसी बँक विविध प्रकारच्या सर्वोत्कृष्ट सेवा देते. बँक डिजिटल परिवर्तनाच्या मार्गावर आहे.



Source link

LEAVE A REPLY

Please enter your comment!
Please enter your name here

Most Popular

Recent Comments