Home शहरं धुळे TikTok ban: tiktok ban : टिकटॉक बंद झाल्याने टिकटॉक स्टारच्या दोन्ही बायका...

TikTok ban: tiktok ban : टिकटॉक बंद झाल्याने टिकटॉक स्टारच्या दोन्ही बायका ढसढसा रडल्या – we’re devastated, my wives cried, tiktok star dinesh pawar reaction on tiktok ban


धुळे: दोन बायकांसोबत शेतामध्ये डान्स करणारे व्हिडिओ टिकटॉकवर अपलोड करून रातोरात स्टार झालेल्या अस्सल मराठमोळ्या सेलिब्रिटीला टिकटॉक बंद पडल्याचा मोठा धक्का बसला आहे. त्याच्या दोन्ही बायका ढसढसा रडू लागल्या. त्यामुळे या टिकटॉक स्टारला बराच वेळ काय बोलावे हेच कळत नव्हतं.

दिनेश पवार असं या टिकटॉक स्टारचं नाव आहे. त्याने आपल्या दोन्ही बायकांसोबत ९०च्या दशकातील गाण्यांवर डान्स करतानाचे अनेक व्हिडिओ शूट करून टिकटॉकवर अपलोड केले. कधी शेतात, कधी रस्त्यावर तर कधी घरामध्ये डान्स करतानाचे त्यांचे हे व्हिडिओ प्रचंड लाइक्स केल्या गेले. ग्रामीण लोकेशन्स आणि डान्सचं कोणतंही प्रशिक्षण न घेता सिनेमातील हिरोंप्रमाणे हुबेहुब करण्यात आलेला डान्स टिकटॉक प्रेमींना खूप आवडला. त्यामुळे त्यांचे व्हिडिओ मोठ्या प्रमाणावर व्हायरल झाले. त्यांना प्रचंड प्रसिद्धीही मिळाली.

मात्र, गलवान खोऱ्यात भारत आणि चीनच्या सैनिकांमध्ये झालेल्या हिंसक झटापटीनंतर भारताचे २० जवान शहीद झाले होते. त्यानंतर दोन्ही देशांदरम्यान तणावाची स्थिती निर्माण झाल्याने केंद्र सरकारने ५९ चिनी अॅपवर बंदी घातली. त्याची बातमी वाऱ्यासारखी पसरताच दिनेश पवार आणि त्याचे कुटुंबीयांमध्ये प्रचंड निराशा पसरली. केंद्र सरकारच्या या निर्णयामुळे आम्ही उद्ध्वस्त झालो. केवळ आम्हीच त्यामुळे उद्ध्वस्त झालेलो नाहीत, तर इतरांनाही त्याचा फटका बसलेला आहे. हे आम्ही जाणून आहोत. पण या निर्णयानंतर माझ्या दोन्ही पत्नींना राहवलं नाही. त्या ढसाढसा रडल्या, असं पवार म्हणाले.

देसी TikTok ‘चिंगारी’ची वेबसाईट हॅक, कंपनी म्हणतेय….

टिकटॉक बंद झालं असलं तरी पवार यांनी त्यावरही नवा पर्याय शोधला आहे. टिकटॉक बंद झाल्याने आमच्यावर प्रेम करणाऱ्यांसाठी आता आम्ही लवकरच युट्यूबवर येऊ, असं त्यांनी सांगितलं. त्यामुळे टिकटॉकवरील या स्टार कपलला यूट्यूबवर पाहण्याची त्यांच्या चाहत्यांना संधी मिळणार आहे.

चिनी कम, भारतीय जादा, टिकटॉकला हे आहेत पर्याय

दरम्यान, भारत-चीन संघर्षाच्या पार्श्वभूमीवर केंद्र सरकारने काल ५९ चिनी अॅपवर बंदी घातली होती. टिकटॉक, हॅलो अॅप आणि कॅमस्कॅनरसह ५९ अॅपवर बंदी घालण्यात आली आहे. भारतात युट्यूबहून अधिक युजर्स हे टिकटॉक अॅपचे आहेत. टिकटॉकचे जवळपास २० कोटी युजर्स असल्याचं सांगण्यात येतंय. तर हेलो अॅपचे भारतात ४० हजार युजर्स आहेत. वुई मेट, शेअर इट, युसी ब्राउजर्स, क्लब फॅट्री, युसी न्यूज, झेंडर, लाइक, सीएम ब्राउजर्स, शीन, न्यूजडॉग, वंडर कॅमेरा, कॅम स्कॅनर, क्लिन मास्टर-चिता मोबाइल, फोटो वंडर, क्यूक्यू प्लेअर, स्वीट सेल्फी, हेलो, यू व्हिडिओ, मोबाइल लेजंड्स अशा एकूण ५९ अॅप्सवर बंदी घालण्यात आली आहे.

ओप्पोचा Reno 3 Pro दोन हजारांनी स्वस्त, पाहा नवी किंमत



Source link

LEAVE A REPLY

Please enter your comment!
Please enter your name here

Most Popular

Recent Comments