Home शहरं मुंबई Uddhav Thackeray: uddhav thackeray : ३० जूननंतर लॉकडाऊन उठणार नाही; पण अनेक...

Uddhav Thackeray: uddhav thackeray : ३० जूननंतर लॉकडाऊन उठणार नाही; पण अनेक गोष्टी सुरू होतील: उद्धव ठाकरे – महाराष्ट्र न्यूज: maharashtra lockdown won’t be lifted after june 30, says cm uddhav thackeray


मुंबई: करोनाचं संकट अद्यापही संपलेलं नाही. त्यामुळे धोका टळलाय असं समजू नका. मी लॉकडाऊन हा शब्द वापरणार नाही. पण स्पष्ट सांगायचं झालं तर ३० जूननंतर लॉकडाऊन उठणार नाही. पण काही गोष्टी आपण हळूहळू शिथिल करणार आहोत, असं सांगतानाच काही गोष्टी शिथिल करणार याचा अर्थ लगेच येत्या १ तारखेपासून सर्व काही अलबेल झालं अशा भ्रमात राहू नका. कुठेही गर्दी करू नका. ज्या भागात गर्दी होईल, त्या भागात पुन्हा पूर्वीसारखाच कडक लॉकडाऊन करण्यात येईल, असा इशारा मुख्यमंत्री उद्धव ठाकरे यांनी दिला.

येत्या ३० जूनपर्यंत राज्यातील लॉकडाऊन संपणार आहे. यापार्श्वभूमीवर उद्धव ठाकरे यांनी राज्यातील जनतेशी संवाद साधला. येत्या १ जुलै रोजी डॉक्टर दिन आणि शेतकरी दिवस असल्याने हे दोन्ही दिवस साजरे करणार असल्याचं त्यांनी सांगितलं. यावेळी त्यांनी लॉकडाऊन मागे घेण्यात येणार नसल्याचं स्पष्ट केलं. मात्र लॉकडाऊन मागे घेण्यात येणार नसला तरी राज्यातील नागरिकांची गैरसोय होऊ नये आणि अर्थचक्र गतीमान व्हावं म्हणून अनेक गोष्टीत शिथिलता आणत असल्याचंही त्यांनी सांगितलं.

येत्या ३० जून रोजी लॉकडाऊन संपत आहे. त्यामुळे लॉकडाऊन उठेल की नाही, याची जनतेला उत्सुकता लागलेली आहे. पण संकट टळलेलं नाही. धोका टळलेला नाही. त्यामुळे स्पष्टच सांगायचं झालं तर ३० जून रोजी लॉकडाऊन उठणार नाही. पण ही परिस्थिती अशीच राहणारही नाही. लॉकडाऊन हा शब्द बाजूला ठेवायचा. आपण एक एक पावलं टाकत पुढे जाणार आहोत. हळूहळू सर्व सोयी सुरू करायच्या. अर्थात म्हणजे घराबाहेर बिनधास्तपणे पडायचं असं नाही. केवळ अर्थचक्राला गती देण्यासाठी आपण हे सुरू करत आहोत. धोका टळला या भ्रमात राहू नका. आपण करोनाच्या कात्रीत सापडलो आहोत. सर्व अलबेल झालं असं समजू नका. कारण करोना आ वासून बसलाय. अनावश्यक गोष्टीसाठी घराबाहेर पडू नका, असं सांगतानाच मी तुम्हाला सतत काळजी घेण्यासाठी सांगत असतो. काळजी, काळजी, काळजी… तुम्हाला वाटत असेल हे काय काळजी काळजी करतात. पण आपलं सरकार काळजी वाहू नाही. हे सरकार तुमचं आहे. महाराष्ट्राची काळजी घेणारं सरकार आहे. धोक्यापासून सावध करणारं सरकार आहे, असं ठाकरे म्हणाले.

Live: रक्तदानाप्रमाणेच प्लाझ्मा दान करण्यासाठी पुढे या; मुख्यमंत्र्यांचं आवाहन

प्लाझ्मा दान करा; मुख्यमंत्र्यांचं आवाहन

करोनातून बरे झालेल्या व्यक्तीच्या शरीरात अँटीबॉडी तयार झालेल्या असतात. त्यामुळे त्याचा प्लाझ्मा घेतल्याने दुसरा करोनाबाधित रुग्ण ९० टक्के बरा होऊ शकतो. त्यामुळे करोनातून मुक्त होऊन घरी गेलेल्या व्यक्तींना सरकारी रुग्णालयांशी संपर्क साधून रक्तदानाप्रमाणे प्लाझ्मा दान करा, असं आवाहन मुख्यमंत्री उद्धव ठाकरे यांनी केलं. रक्तदान कोणीही करू शकतो. पण प्लाझ्मा दान फक्त करोनातून मुक्त झालेले रुग्णच करू शकतात. त्यामुळे इतर रुग्णांना बरे करण्यासाठी या व्यक्तींनी पुढे यावं, असं त्यांनी सांगितलं. उद्या आपण प्लाझ्मा थेरपी केंद्राचं लोकार्पण करणार आहोत. प्लाझ्मा थेरपीचा सर्वाधिक वापर करणारं हे जगातील सर्वात मोठं केंद्र ठरेल, असंही ते म्हणाले.

१० वर्षात असा बदलला सूर्य; नासाचा हा व्हिडिओ पाहिला का?

रेमडेसिवीर मोफत देणार

करोनावरचं रामबाण उपाय असलेलं रेमडेसिवीर हे औषध मोफत देण्याची घोषणाही मुख्यमंत्र्यांनी केली. रेमडेसिवीर हे औषध शासकीय रुग्णालयात मोफत देण्यात येईल. ही औषधे मागवण्यात आलेली आहेत. त्याचा एकदा पुरवठा सुरू झाल्यास तुटवडा पडू देणार नाही, असं सांगतानाच करोनावर जालीम ठरणाऱ्या ज्या ज्या औषधांची माहिती मिळाली ती ती औषधे आपण वापरल्याचं त्यांनी सांगितलं.

बेरोजगार पतीसोबत कडाक्याचं भांडण; महिलेनं वाहत्या नदीत मारली उडी

अनलॉकमुळे करोना संसर्ग वाढला

यावेळी उद्धव ठाकरे यांनी अनलॉकमुळे करोना संसर्ग वाढल्याची कबुली दिली. आपण काही गोष्टी शिथिल केल्या. त्यामुळे लोकांची ये-जा वाढल्याने रुग्णांची संख्याही वाढली. ही संख्या वाढल्याने आपण टेस्टची संख्याही वाढवली आहे, असं सांगतानाच करोनाचा संसर्ग रोखण्यासाठी आपण चेस द व्हायरस ही मोहीम मुंबईत राबवली. व्हायरस पोहोचण्याच्या आत आपण आपलं आरोग्य पथक तिथे पोहोचायचं. आता चेस द व्हायरस ही मोहीम संपूर्ण राज्यात राबवली जाणार आहे, असं त्यांनी सांगितलं.

बोगस बियाणे देणाऱ्यांवर गुन्हे दाखल करणार

यावेळी मुख्यमंत्र्यांनी बळीराजाला दिलासा देण्याचा प्रयत्न केला. शेतकऱ्यांना बोगस बियाणे देऊन त्यांची फसवणूक करणाऱ्यांना सोडणार नाही. त्यांच्यावर गुन्हे दाखल करणार. तसेच त्यांच्याकडून भरपाईही मिळवून घेणार. कुणीही येऊन शेतकऱ्यांना लुटण्याासाठी हे बेभरवश्याचं सरकार नाही, असा इशाराही त्यांनी दिला.

मुख्यमंत्री काय म्हणाले…

>> कोविडला बळी पडू नका, तोंडाला मास्क लावा

>> लॉकडाऊन सुरू ठेवायचा की नाही हे तुमच्या हातात आहे. तुम्ही जर गर्दी केली. तर ज्या ठिकाणी गर्दी होईल, त्या ठिकाणी पूर्वीसारखाच कडक लॉकडाऊन करण्यात येईल. प्रशासनाला तशा सूचनाच दिल्या आहेत.

>> शाळा सुरू होण्यापेक्षा शिक्षण सुरू होण्यावर आपला भर

>> केंद्र सरकारची मोफत अन्नधान्य देण्याची मुदत संपत आहे. या योजनेला तीन महिन्यांची मुदत वाढ मिळावी म्हणून केंद्राकडे विनंती केली आहे.



Source link

LEAVE A REPLY

Please enter your comment!
Please enter your name here

Most Popular

ind vs aus first ODI: टीम इंडियासाठी अलर्ट; पहिल्या वनडेत ऑस्ट्रेलियाचे पारडे जड, जाणून घ्या कारण – ind vs aus first odi australia can...

नवी दिल्ली: भारतीय संघ आठ महिन्यांच्या मोठ्या कालावधीनंतर आंतरराष्ट्रीय सामना खेळणार आहे. उद्यापासून म्हणजेच २७ नोव्हेंबरपासून भारताचा ऑस्ट्रेलिया दौरा सुरू आहे. भारताच्या दौऱ्याची...

Recent Comments