Home शहरं जळगाव Ujjwal Nikam: Ujjwal Nikam: दहशतवादी तहव्वूर राणाला अटक हा भारताचा विजय- उज्ज्वल...

Ujjwal Nikam: Ujjwal Nikam: दहशतवादी तहव्वूर राणाला अटक हा भारताचा विजय- उज्ज्वल निकम – arrest of tahawwur rana is the victory for india, says advocate ujjwal nikam


म. टा. प्रतिनिधी, जळगाव

मुंबईतील २००८ च्या दहशतवादी हल्ल्याच्या कटात सामील असलेला पाकिस्तानी कॅनेडियन दहशतवादी तहव्वूर हुसेन राणा याला अमेरिकेच्या लॉस एंजलिस शहरात पुन्हा एकदा अटक करण्यात आली आहे. राणाला पुन्हा झालेली ही अटक म्हणजे भारताचा विजय असल्याची प्रतिक्रिया विशेष सरकारी वकील उज्ज्वल निकम यांनी दिली आहे. (Ujjwal Nikam on arrest of Tahawwur Rana)

वाचा: …मग २० सैनिकांच्या बलिदानाची जबाबदारी कोणाची?; आव्हाडांचा सवाल

पाकिस्तानी कॅनेडियन दहशतवादी तहव्वूर हुसेन राणा याला अमेरिकेच्या लॉस एंजलिस शहरात पुन्हा एकदा अटक करण्यात आली आहे. त्याला आता भारतात आणण्याची प्रकिया सुरू आहे. मुंबई दहशतवादी हल्ल्याचा खटला सरकार पक्षाकडून लढणारे विशेष सरकारी वकील उज्ज्वल निकम यांनी यावर जळगावात आपली प्रतिक्रिया दिली.

यावेळी उज्वल निकम यांनी सांगितले की, २६/११ ला मुंबईत झालेल्या दहशतवादी हल्ल्याच्या कटात राणाचा सहभाग होता. राणा आणि मिस्टर सेंडस हे शिकागो येथे एमिग्रेट लॉ सेंटर चालवत होते. राणाने डेव्हिड हेडलीच्या मदतीने मुंबईत एमिग्रेट लॉ सेंटरचे ऑफिस उघडले होते. त्या निमित्ताने डेव्हिड हेडली हल्ला करण्याच्या आधी मुंबईत आला. मुंबईत ज्या ठिकाणी दहशतवादी हल्ला करायचा आहे, त्या ठिकाणांचे त्याने फोटो काढले. ते फोटो घेऊन तो शिकागोला गेला. त्यानंतर त्याने ते फोटोग्राफ्स लष्कर-ए-तोयबाच्या कमांडर्सना दिले. अशी खळबळजनक साक्ष डेव्हिड हेडलीने मुंबईच्या न्यायालयात दिली आहे. या कामासाठी मला राणा पैसे पुरवत होता, असेही हेडलीने आपल्या साक्षीत सांगितले आहे. डेव्हिड हेडली मुंबईच्या दहशतवादी कटात सहभागी असल्याने त्याला शिकागोच्या न्यायालयाने ३५ वर्षांची शिक्षा सुनावली आहे. आम्ही हेडलीची मुंबई न्यायालयात साक्ष घेतली; जेणेकरून पाकिस्तान दहशतवादी हाफिज सईद, जकी उर रहमान यांच्याविरुद्ध कारवाई करेल. परंतु, तरीदेखील पाकिस्तानने त्यांच्या विरोधात कोणतीही कारवाई केली नाही, असेही उज्ज्वल निकम यावेळी म्हणाले.

वाचा: तीन भाऊ ठरले होते संपूर्ण तालुक्याची डोकेदुखी; पोलिसांनी दिला ‘असा’ दणका

तहव्वूर हुसेन राणा याच्याविरुद्ध दिल्ली न्यायालयाने एक अजामीनपात्र वॉरंट जारी केले आहे. त्या वॉरंटची बजावणी राणाला झालेली आहे. आता त्याच्याविरुद्ध गुन्हेगार हस्तांतर कायद्यान्वये कारवाई करण्यात येईल. त्याच्याविरुद्ध भारताकडे भरभक्कम पुरावे असल्याने त्याच्यावर निश्चित कारवाई होईल, असा विश्वास देखील उज्ज्वल निकम यांनी यावेळी व्यक्त केला.

Live: राज्यात आतापर्यंत ६२,७७३ रुग्ण करोनामुक्त



Source link

LEAVE A REPLY

Please enter your comment!
Please enter your name here

Most Popular

India Stands with France: ‘दहशतवादाविरोधातील लढाईत भारत फ्रान्ससोबत, हल्ल्यांचा निषेध’ – india stands with france in the fight against terrorism

नवी दिल्लीः फ्रान्समधील नाइस शहरात झालेल्या दहशतवादी हल्ल्यासह नुकत्याच झालेल्या हल्ल्यांचा पंतप्रधान नरेंद्र मोदींनी निषेध केला आहे. दहशतवादाविरूद्धच्या लढ्यात भारत फ्रान्ससोबत आहे, असं...

L&T Construction Awarded Mega Contract : बुलेट ट्रेन प्रकल्प सुस्साट; ‘लार्सन अँड टुब्रो’ला मिळाले कंत्राट – l&t construction awarded mega contract to build india’s...

मुंबई : 'एल अँड टी'च्या बांधकाम विभागाने भारतातील आपल्या हेवी सिव्हिल इन्फ्रास्ट्रक्चर व्यवसायासाठी नॅशनल हाय- स्पीड रेल कॉर्पोरेशन लिमिटेडसाठी (एनएचआरसीएल) मोठे कंत्राट मिळवले...

Recent Comments