Home देश पैसा पैसा Union Budget 2021: Tax Incentive And Deduction Announcement Likely Missed In Upcoming...

Union Budget 2021: Tax Incentive And Deduction Announcement Likely Missed In Upcoming Budget Says Taxman – Budget 2021 यंदा कर सवलती विसरा;’बजेट’मध्ये करदात्यांची होणार निराशा,तज्ज्ञांचे भाकीत | Maharashtra Times


नवी दिल्ली : दोन आठवड्यानंतर संसदेच्या अर्थसंकल्पी अधिवेशनात केंद्र सरकार १ फेब्रुवारी रोजी अर्थसंकल्प सादर करणार आहे. यंदा अर्थसंकल्पावर करोनाचा प्रभाव राहणार आहे. करोना संकटामुळे झालेली आर्थिक हानी भरून काढण्याच्या दृष्टीने सरकार काटकसरीचा अर्थसंकल्प सादर करेल. त्यामुळे यंदाच्या अर्थसंकल्पात कर सवलती मिळण्याची शक्यता धूसर असल्याचा अंदाज जाणकारांनी व्यक्त केला आहे.

गेल्या अर्थसंकल्पात केंद्र सरकारने कर संरचनेत बदल केला होता. त्याचबरोबर कर वजावटी आणि सवलतीशिवाय एक नवी कर संरचना जाहीर केली होती. यंदा मात्र करदात्यांच्या पदरी निराशा पडण्याची शक्यता आहे.

शेअर बाजारात इतिहास घडणार… सेन्सेक्स प्रथमच ओलांडणार ‘हा’ टप्पा
करोना व्हायरसने आर्थिक घडी मोडून गेली आहे. त्यातच आर्थिक वृद्धिदर उणे ७.७ टक्के इतका राहण्याची शक्यता आहे. कर महसुलात तूट भरून काढण्यासाठी सरकार नवे कर, अधिभार, उपकर यांची चाचपणी करत आहे. त्यामुळे यंदाचे बजेट कर सवलतींची खैरात करणारे नसेल, असे कर सल्लागारांचे म्हणणे आहे.

पेट्रोल-डिझेल महागले ; मुंबईत पेट्रोल ९१ रुपयांवर, ग्राहकांचे कंबरडे मोडणार
बजेटमध्ये करमुक्त उत्पन्नाची मर्यादा वाढवण्याची शक्यता कमी आहे. तसेच कर वजावटीबाबत काही घोषणा होण्याची शक्यता धूसर असल्याचे कर सल्लागारांचे मत आहे. गेल्या वर्षी सरकारने करदात्यांचा नवीन सुटसुटीत कर संरचना सादर केली होती. त्यात वार्षिक ५ ते ७.५ लाखांचे उत्पन्न असणाऱ्या करदात्यांना १० टक्के कर लागू करण्यात आला होता. तर ५ लाखांपर्यंतचे उत्पन्न करमुक्त आहे.

स्वातंत्र्यानंतर पहिल्यांदाच असे घडणार; ‘करोना’ने तिजोरीत खडखडाट, केंद्राने घेतला हा निर्णय
करोना रोखण्यासाठी देशात लागू केलेल्या टाळेबंदीने उद्योगधंदे ठप्प झाले होते. बेरोजगारी वाढली होती. कर महसुलात घसरण झाली. सरकारने आत्मनिर्भर भारतअंतर्गत २० लाख कोटीचे पॅकेज जाहीर केले. त्यानंतर मागील तीन महिन्यात अर्थव्यवस्था काही प्रमाणात सावरली. मात्र यंदा विकासदर उणे राहणार असल्याचे अंदाज यापूर्वीच अनेक संस्थांनी व्यक्त केले आहेत.



Source link

LEAVE A REPLY

Please enter your comment!
Please enter your name here

Most Popular

Recent Comments