Home शहरं अहमदनगर Vikhe-Patil attacks Balasaheb Thorat: Vikhe Vs Thorat: 'काँग्रेसमध्ये थोरातांचं स्थान काय? मी...

Vikhe-Patil attacks Balasaheb Thorat: Vikhe Vs Thorat: ‘काँग्रेसमध्ये थोरातांचं स्थान काय? मी पक्ष सोडला म्हणून त्यांना पद मिळालं’ – bjp leader radhakrishna vikhe-patil takes a jibe at balasaheb thorat over matoshree visit


अहमदनगर: ‘काँग्रेसमध्ये बाळासाहेब थोरातांचे स्‍थान काय आहे? मी पक्ष सोडला म्‍हणून त्‍यांना पद मिळाले. आता मंत्रिपद टि‍कविण्‍यासाठी त्‍यांची धडपड सुरू आहे,’ अशा शब्दांत राधाकृष्ण विखे-पाटील यांनी काँग्रेसचे प्रदेशाध्यक्ष व महसूल मंत्री बाळासाहेब थोरात यांच्यावर हल्ला चढवला आहे. (War of Words between Balasaheb Thorat and Radhakrishna Vikhe-Patil)

महाविकास आघाडीतील काँग्रेसच्या कथित नाराजीवरून विखे-थोरात यांच्यात गेल्या दोन दिवसांपासून वाकयुद्ध सुरू आहे. थोरात यांनी अलीकडंच मुख्यमंत्री उद्धव ठाकरे यांची ‘मातोश्री’ निवासस्थानी भेट घेतली होती. त्यावरून काँग्रेस एवढी कधीच लाचार नव्हती असा टोला विखे यांनी हाणला होता. थोरात यांनी विखेंच्या या टीकेला त्यांच्याच भाषेत प्रत्युत्तर दिलं होतं. मुख्यमंत्र्यांच्या पाया पडणारा विरोधी पक्षनेता महाराष्ट्रानं पाहिला आहे, अशी बोचरी टीका थोरात यांनी विखेंवर केली होती.

भयानक प्रकार! पॉझिटिव्ह रुग्णाला टेस्ट रिपोर्टसह मुंबईहून नगरला पाठवले

लोणी येथे आज पत्रकारांशी बोलताना विखे यांनी थोरात यांच्या वक्तव्याचा समाचार घेतला. ‘कोण कोणाच्‍या पाया पडतो हे पाहणारे थोरात मुख्‍यमंत्र्यांच्‍या बंगल्‍यात काय करायचे? भ्रष्टाचाराच्‍या फाइल काढू नयेत म्‍हणून मुख्यमंत्र्यांचे पाय दाबायचे की भाजपमध्‍ये घ्‍या म्‍हणून विनवणी करायचे यावरही त्‍यांनी बोलले पाहिजे, असं आव्‍हान विखे यांनी दिले.

‘प्रदेशाध्‍यक्षांच्‍या वक्‍तव्‍याला फारसे गांभीर्याने घ्‍यावे अशी परिस्थिती नाही. त्‍यांच्‍या नेतृत्‍वात काँग्रेस पक्षाची कशी वाताहत झाली हे महाराष्‍ट्र पाहतोय. त्‍यांचे स्‍वत:चे कर्तृत्‍व काहीच नाही. यापूर्वी राज्‍यात अशी परिस्थिती कधीही नव्‍हती. सत्‍तेत सहभाग असलेल्‍या राष्‍ट्रीय पक्षाच्‍या प्रदेशाध्‍यक्षाला आठ-आठ दिवस मुख्‍यमंत्री भेटीची वेळ देत नाहीत हे दुर्दैव आहे. एवढी लाचारी पत्‍करून सत्‍तेत का राहता? सत्‍तेत आम्‍हाला स्‍थान राहू द्या यासाठीच आता मातोश्रीवर वाऱ्या सुरू झाल्या आहेत. नेहरू, गांधींचे विचार सोडून काँग्रेस पक्षाच्‍या प्रदेशाध्‍यक्षांना ‘मातोश्री’च्‍या दारात जावे लागते हीच मोठी शोकांतिका आहे, असं विखे म्हणाले.

वाचा: तीन भाऊ ठरले होते संपूर्ण तालुक्याची डोकेदुखी; पोलिसांनी दिला ‘असा’ दणका

‘राज्‍यात शेत‍करी, उद्योजक, विद्यार्थी यांचे मोठ्या प्रमाणात प्रश्‍न निर्माण झाले आहेत. या प्रश्‍नांसाठी मुख्‍यमंत्र्यांकडे गेले असते तर सर्वांना आनंद वाटला असता. पण सत्‍तेत आम्‍हाला ‘घाटा नको, वाटा पाहीजे’ ही स्‍वार्थी भूमिका घेऊनच मातोश्रीवरच्‍या बैठकीचा त्‍यांचा फार्स होता हे आता लपून राहिलेले नाही. मागील पाच वर्षे त्‍यांना सभागृहात बोलण्‍यासही वेळ नव्‍हता. त्‍यांच्‍या मंत्रिपदाच्‍या कार्यकाळातील कारभारावर ‘कॅग’ने ताशेरे ओढले आहेत. भ्रष्‍टाचाराच्‍या फाइल बाहेर येवू नयेत यासाठीच ते मागील युती सरकारच्‍या विरोधात एक शब्‍दही काढण्‍याची हिंमत दाखवू शकले नव्हते, असा आरोप विखे यांनी केला.

निवृत्त अधिकारी महसूल मंत्र्यांच्या कार्यालयात काय करतात?

‘मागील कार्यकाळात खासगी सचिव असलेले सेवानिवृत्‍त आधिकारी पुन्‍हा थोरातांच्‍या कार्यालयात कसे दिसतात? त्‍यांनी स्‍वेच्‍छा निवृत्‍ती घेतली. मागील पाच वर्षे हे आधिकारी घरी बसले होते. आता पुन्‍हा मंत्री झाल्‍यानंतर हेच आधिकारी थोरातांच्‍या कार्यालयात मागे बसून काय करतात? प्रशासनात चांगले आधिकारी नाहीत का? स्‍वेच्‍छा निवृत्‍ती घेतलेल्‍या आधिकाऱ्यांना पुन्‍हा घेण्‍याचे गौडबंगाल काय, हे एकदा राज्‍यातील जनतेला कळू द्या, असंही विखे म्हणाले.

वाचा: दहशतवादी राणाला अटक हा भारताचा विजय: उज्ज्वल निकम



Source link

LEAVE A REPLY

Please enter your comment!
Please enter your name here

Most Popular

Recent Comments